Ipinahayag ni Presidente Ferdinand Marcos Jr., na an pondo gikan sa mga kinanselar na proyekto sa flood control para sa taong 2026 an ire-realign sa mga prayoridad na sector siring kan edukasyon, pangsalud, agrikultura, paharong, imprastraktura, ICT, serbisyong panlipunan, asin enerhiya, kasabay kan pagtatao nin malinaw na “menu” kan paggagamitan tanganing magsirbing giya para sa mga lehislador.
Sinaysay kan Presidente na igwang malinaw nang “menu” tanganing masierto na marhay asin tama an paggastos kan mga pondong liwat pigtagama sa pambansang badyet para sa masunod na taon.
Paliwanag kan Punong Ehekutibo, an nasambitan ng “menu”, an masiribing giya sa mga lehislador sa paggibo nin mga pagbabago sa badyet.
Dugang pa kaini, ini an enot na lakdang pasiring sa mas malinaw na transparency asin paninimbagan sa pagtatagama nin pondo kan gobyerno, kasunod kan mga isyung nagluwas kasuarin sana dapit sa iregularidad sa paggastos sa mga proyektong pang-imprastraktura.
Alagad maski mayong bagong pondong ilalaan para sa flood control projects sa pambansang badyet para sa 2026, nilinaw ni Presidente Marcos na an PhP350 bilyong nakatagama para sa 2025 an dapat munang magamit nin buo antes maggibo nin mga bagong lakdang.
An kanselasyon kan flood control projects asin an pagpepreparar nin sarong prayoridad na spending plan an kasunod kan pagbilog kan Presidente sa Independent Commission for Infrastructure (ICI) na matutok sa pagsisiyasat kan mga anomalya sa mga proyektong flood control sa nakalihis na sampulong taon.
