Opisyal nang napabali komo parte kan Philippine Navy an BRP Diego Silang (FFG-07), an pinakabago asin most advanced guided-missile frigate kan nasyon.
Pigsagibo an arrival ceremony para sa nasambitan ng barko sa Naval Operating Base sa Subic, Zambales.
Pinangenotan ni Armed Forces of the Philippines (AFP) Chief of Staff General Romeo Brawner Jr. an nasambitan ng seremoniya, kaibahan si Philippine Navy Flag Officer in Command Vice Admiral Jose Ma. Ambrosio Ezpeleta.
Maserbe man ining commanding officer kan bagong barkong pandigma kan Pilipinas si Capt. John Percie Alcos.
Sa nagin patara-tara ni Gen. Brawner, pigtawan duon kaini na an bagong barko an simbolo kan kamawotan kan Pilipinas na maproteheran an gabos kan pagsasadiri kaini asin panindugan an soberanya, anuman an mga huma na kakahampangon.
Nagpapahiling ini sa kapreparaduhan kan Pilipinas na proteheran an interest asin kapakanan kan mga namamanwaan kan nasyon.
Para sa Philippine Navy, an pag-abot kan BRP Diego Silang an nagpapahiling kan padagos na pagpapakusog asin modernisasyon kan saindang kabuhan orog na sa mga naval assets kaini.
