Nakatalaan na magbisita sa nasyon an Hollywood icon na si Angelina Jolie bilang saro sa mga tagapagtaram sa gigibuhon na 2026 ASEAN Inclusive Growth Summit sa maabot na Nobyembre 11.
An Academy Award-winning actress magigin parte kan mga tampok na tagapagtaram sa nasabing pagtiripon na dadaluhan kan mga representante hali sa manlain-lain na sektor tanganing pag-ulayan an ekonomiya sa Timog-Silangang Asya.
Midbid si Jolie sa saiyang pangkawanggawang adbokasiya, orog na an kampanya kaini para sa proteksyon kan kababaihan asin kaakian, kaiba an adbokasiya kaini para sa mga bakwit o refugees.
Poon 2001 sagkod 2012, nagserbi man an Hollywood actress bilang Goodwill Ambassador para sa United Nations High Commissioner for Refugees (UNHCR) bago ini itinalaga bilang Special Envoy.
Makakaiba man ni Jolie an nagkapirang midbid na personalidad bilang tagapagtaram sa nasabing summit kun sain makakasaro niya an Tony-award winning theater actress na si Lea Salonga, Rajo Laurel, Kylie Verzosa, asin an kalihim kan Department of Trade and Industry na si Cristina Roque.
