Nabiktima kan ransomware an mga nagkapirang palapudan sa United Kingdom, Germany asin Belgium.
Ini an nagluwas sa imbestigasyon na pigkundusir kan European Union Agency for Cybersecurity (ENISA).
Dae man binanggit kan ahensiya kun saen na nasyon gikan an mga nasa likod kan cyber attacks.
Puon kan Biyernes pirang mga biyahe kan mga darakulang palupadan sa Europa an nakaeksperyensiya nin problema sa saindang automated check-in systems.
Mantang naibwelta na sa normal an mga flights igwang nagkapira pa man na flights sa Berlin Brandenburg Airport an nagkaigwang aberya sa saindang check-in systems.
Pig-ako kan ahensiya na ngunyan na taon sana nakaipon na an mga nasa likod kan pag-atake nin mapakol sa $238 bilyon.
Obheto kan ransomware na kuonon an mga system kan computer asin pigpapatubos kan mga hackers nin milyong kantidad tanganing maibwelta.
