Aram baya nindo mga ka-bombo, sarong Mexican na lalaki an pig-akusaran an saiyang dating agom asin plastic surgeon na ilusyon kaini na iyong may kagibuhan sa pagkagadan kan saiyang 14-anyos na aking babae sa paagi kan pagsagibo nin manlaen-laen na plastic surgery procedures kabali na an breast implants.
Susog sa report, binawian nin buhay si Paloma Nicole Arellano Escobedo sa sarong ospital sa Durango, Mexico, makalihis na magsapo nin cerebral edema huli sa respiratory illness.
Alagad an saiyang ama nagtutubod na an totoong kawsa kan saiyang kagadanan an mayong kinaaraman sa opisyal na report.
Pig-akusaran kaya ni Carlos Arellano an dating agom asin saiyang plastic surgeon na partner na iyong rason kan pagkagadan ni Paloma sa paagi kan pagkundusir nin breast enhancement surgery sa saindang aki na mayong pagtugot gikan digde.
Basado pa sa nagluwas na report, si Paloma an nagsairarom sa kadakol na procedures, kabali na an breast augmentation, Brazilian Butt Lift asin liposuction.
An nasambitan ng kaso nakaguno nin labing kaangutan sa publiko kun kaya naglunsar nin imbestigasyon an mga otoridad.
Sa ngunyan, nagpapadagos an pigsasagibong imbestigasyon kan mga kapulisan kun saen magin an Presidente kan Mexico na si Claudia Sheinbaum naghahalat man kan resulta.
