Pwede nang makakua nin civil service eligibility an mga kwalipikadong halal asin itinalagang opisyal kan Sangguniang Kabataan (SK) na nasa marahay na katayuan, sigun sa anunsyo kan Civil Service Commission (CSC) kan nakalihis na Sabado.
Basado sa CSC Resolution No. 2500752, o Rules Governing the Grant of Eligibility to SK Officials na ipinromulga kan nakalihis na Hulyo 24, 2025, an mga SK official na nakapagsirbi nin bilog na tulong taong termino o katampad kaini pwedeng pagkalooban nin Sangguniang Kabataan Official Eligibility (SKOE).
An SKOE an katampad kan eligibility para sa first-level positions sa career service, apwera sa mga posisyong sakop kan board laws o nangangaipuhan nin espesyal na eligibility.
An nasambitan ng prebelihiyo an para sa mga duly elected asin appointed SK officials, nag pigbibisto an vital role kan kajovenan sa nation-building asin pigtawan pusog an kontribusyon sa serbisyo publiko, sigun pa ki CSC Chairperson Marilyn Yap.
Dugang pa kaini, sa paagi kan SKOE, pig iinkaminar an mga joven na lideres na mag pursue nin karera sa gobyerno asin magpadagos na mag serbi sa nasyon.
Sakop kan SKOE an mga opisyal na nanungkulan sa bisa kan Republic Act No. 11768 o Sangguniang Kabataan Reform Act of 2015, na nagin epektibo kan nakalihis na Hunyo 1, 2022.
Kabali digde an mga opisyal na nagsirbi magpuon taong 2018 hasta 2022, mga halal na miyembro kan Katipunan ng Kabataan (KK), siringpaman an mga SK secretary asin treasurer na itinalaga kan SK chairperson asin inaprubaran kan kadaklan kan SK council.
Nilinaw kan CSC na an mga SK chairperson an sakop kan Barangay Official Eligibility (BOE) asin bako kang SKOE. Pwedeng mag-apply para sa SKOE magpuon Oktubre 4, an petsa kan bisa kan nasambitan ng resolusyon.
An aplikasyon an dapat isumiter sa CSC regional office na may hurisdiksiyon sa barangay kun saen nanungkulan an aplikante o sa pinakaharani na CSC field office.
Pinagirunduman man kan CSC na pwede kaining bawion an SKOE kan mga aplikanteng mapatunayang dae kwalipikado o nagbalgar sa umiiral na mga ley asin alituntunin.
