Nakatalaan na magkundusir nin konsiyerto an bandang IV of Spades sa bulan nin Disyembre.
Sigun sa grupo ikukundusir ini sa Disyembre 12 sa Mall of Asia Arena.
Mapuon an pagpapabakal nin tickets sa maabot na Oktubre 12.
Makalihis an limang taon na pagpapahingalo liwat na nagbweltada an grupo ngunyan na taon.
Pigluwas ninda an saindang kanta na “Aura” kan Hulyo mantang magkasunod na pigluwas an kantang “Konsensya” asin Nanaman” kan Setyembre.
Ipapaluwas man kan banda an saindang bagong album na “Andalucia” sa Nobyembre anom na taon puon kan pigluwas an enot na album na “Clapclapclap!” kan 2019.
Marurumduman kan 2018 naghali sa banda an bokalistang si Unique Salonga asin nag-solo ini.
Mantang kan taong 2020 pig-anunsiyar kan natatadang miyembro na sinda Blaster Silonga, Zild Benitez asin Badjao De Castro na sinda nagpahingalo huli sa nagkapirang personal na interest.
