Nag-apelar si Batangas 1st District Representative Leandro Leviste sa Department of Public Works and Highways (DPWH) na tulos ikonsiderar an pagkanselar o kaya man an pagpapautob kan re-pricing sa pigkakarkulong P1.6 trilyong kantidad kan mga proyekto na presenteng nakabinbin o pigsasagibo.
An pangapodan na ini ni Rep. Leviste an nag-ugat sa kasuarin sanang pagkanselar kan DPWH Region IV-A sa sarong proyekto na nagkakantidad nin P95.99 milyon na nakatagama para sa flood control sa banwaan kan Lemery, Batangas.
Sigun ki Rep. Leviste, igwang mga probisyon sa ley na pwedeng gamiton an DPWH tanganing ipauntok an mga proyektong pinaghihinalaang bakong makatuwiran o dae naayon sa tamang proseso.
Partikularmente kaining naunambitan iyo an probisyon kan Termination for Convenience o kaya man iyo an Termination for Unlawful Acts na nakasaysay sa irarom kan Republic Act 9184 o an Government Procurement Reform Act.
Sa paagi kan mga probisyong ini, pwedeng legal na wakasan kan DPWH an mga kontrata para sa mga proyekto kun mapatotoohang igwang bastanteng rason siring kan mga iregularidad o pagbalgar sa ley.
