Liwat na binisita asin ininspeksyon kan dating Kalihim kan Department of Public Works and Highways (DPWH) Vince Dizon an Kilicao-Binitayan Bridge sa banwaan kan Daraga, Albay, bago pa man an saiyang liwat na pagbalik bilang kalihim kan Department of Transportation (DOTr).
Segun ki Dizon, nakatalaan nang buksan sa mga motorista an duwang lane (two lanes) kan nasabing tulay sa masunod na semana bago mag-abot an Undas.
Ipinahayag ni Dizon na an marikas na pagpapatupad kan proyekto ginibo sa irarom kan direktiba kan presenteng administrasyon, orog na ta haros 15 taon man ining nakatengga puon pa kan panahon ni dating Ako Bicol Partylist Representative Zaldy Co.
Aniya, sa katapusan matatapos na an proyekto asin tulos nang mapapakinabangan kan mga namamanwaan. Magsasagibo man nin road testing mantang padagos an pagtarabangan kan mga lokal asin rehiyonal na opisyal tanganing masiguro an ligtas asin marhay na pag-agi kan mga residente asin motorista.
Mantang, maogmang inako ni Albay Governor Noel Rosal an marhay na bareta asin sinabing an nasabing tulay magsisirbing importanteng bypass road asin link sa manlaen-laen na barangay asin distrito sa probinsya.
Nagpaabot man nin pasasalamat an gobernador sa marhay na koordinasyon sa pag-ultanan kan DPWH asin kan nasyunal na gobyerno tanganing sa katapusan matupad an haloy nang hinahangad na proyekto.
Dizon, liwat nangenot sa inspeksyon sa Albay, bago an pagbalik kaini sa DOTr
Liwat na binisita asin ininspeksyon kan dating Kalihim kan Department of Public Works and Highways (DPWH) Vince Dizon an Kilicao-Binitayan Bridge sa banwaan kan Daraga, Albay, bago pa man an saiyang liwat na pagbalik bilang kalihim kan Department of Transportation (DOTr).
Segun ki Dizon, nakatalaan nang buksan sa mga motorista an duwang lane (two lanes) kan nasabing tulay sa masunod na semana bago mag-abot an Undas.
Ipinahayag ni Dizon na an marikas na pagpapatupad kan proyekto ginibo sa irarom kan direktiba kan presenteng administrasyon, orog na ta haros 15 taon man ining nakatengga puon pa kan panahon ni dating Ako Bicol Partylist Representative Zaldy Co.
Aniya, sa katapusan matatapos na an proyekto asin tulos nang mapapakinabangan kan mga namamanwaan. Magsasagibo man nin road testing mantang padagos an pagtarabangan kan mga lokal asin rehiyonal na opisyal tanganing masiguro an ligtas asin marhay na pag-agi kan mga residente asin motorista.
Mantang, maogmang inako ni Albay Governor Noel Rosal an marhay na bareta asin sinabing an nasabing tulay magsisirbing importanteng bypass road asin link sa manlaen-laen na barangay asin distrito sa probinsya.
Nagpaabot man nin pasasalamat an gobernador sa marhay na koordinasyon sa pag-ultanan kan DPWH asin kan nasyunal na gobyerno tanganing sa katapusan matupad an haloy nang hinahangad na proyekto.
