Igwang napili an International Criminal Court prosecutors na tolong medical experts tanganing maghiling sa salud dating Presidente Rodrigo Duterte.
An mga ini an eksperto gikan sa behavioral neurology, neuropsychology asin forensic psychiatry.
Basado sa siyam na dahong pigluwas kan Office of the Prosecutor na pirmado ni Deputy Prosecutor Mame Mandiaye Niang, na suportado ninda an pagtatalaga kan multidisciplinary panel of experts tanganing maghiling sa dating Presidente kun kaya kaining maghampang sa pagdangog.
Nagpahayag man nin kapreparaduhan sa saindang serbisyo an mga eksperto puon ngunyan na bulan.
Nakapalaman sa dokumento an pagkontra kan Prosecution sa pahayag kan Depensa na an pagtatalaga kan mga eksperto an pwedeng magkaigwa nin isyu kan “bias”.
Enot nang dae tinugutan an medical officer kan International Criminal Court (ICC) na maghiling sa salud kan dating Presidente.
Marurumduman kan nakalihis na Marso kan arestuhon an dating Presidente huli sa kampanya kaini sa iligal na droga kan ini Presidente pa kan nasyon.
