Liwat na nag-apelar an Department of Justice (DOJ) sa publiko na magtiwala sa proseso kan ley.
Ini an sa ibong kan mga isyung kinakahampang kan nasyon siring na sana kan maanomalyang flood control project asin an kaso kan mga nawawarang sabungero.
Sigun ki DOJ OIC Usec. Fredderick Vida, padagos nindang gagampanan an saindang responsabilidad tanganing maipautob an pig-aapod na rule of law.
Pigtawan duon pa ni Vida na kaipuhan sanang magtiwala kan publiko huli ta kadakol pa man na personahe kan gobierno an matino asin gingigibo sana an saindang trabaho.
Pigsierto pa ni Vida na sa mga masunod na aldaw, laoman soboot kan publiko na magkakaigwa nin resulta an mga nasambitan ng isyu.
Sa huri, hagad na sana kan opisyal an pakikipagtabangan kan gabos asin pagsuporta sa DOJ sa mga ginigibo nindang imbestigasyon.
