Pigkondenar ni Sen. JV Ejercito an mga Pilipinong suboot nagdedepensa sa China sa social media sa tahaw kan padagos na tensyon sa West Philippine Sea (WPS), asin pinagpirming masakit para sa nasyon an pagkakaigwa nin mga kababayan na garo nakikampi sa ibang estado sa usapin kan interes kan nasyon.
Ihinayag ini ni Ejercito ngunyan na Lunes, sa pagtatapos kan diskusyon sa 2027 budget kan Department of National Defense sa Senado. Aniya, nakakamundo na igwa nin mga Pilipinong mas pinipiling depensahan an China imbes na magtindog para sa sadiring nasyon, orog na sa panahon na padagos na ipinaglalaban kan Pilipinas an mga karapatan kaini sa West Philippine Sea.
An pahayag na ini kasunod kan nag-iinit na pagribayan nin mga pahayag sa pagultanan kan mga opisyal kan Pilipinas asin China matapos sabihon ni Chinese Ambassador Jing Quan na madaling manggagana an saiyang nasyon kun gagamit ini nin puwersa laban sa Pilipinas, dawa pa pinagpirming gusto kan Beijing an katuninungan.
Nagbunga ini nin kritisismo hali sa pirang opisyal kan gobyerno asin mga senador, kaiba si Ejercito, na nanawagan nin paggalang sa Pilipinas asin sa mga karapatan kaini sa West Philippine Sea.
