Matao an Britain nin pigkakarkulong 27 milyon US dollars na tabang tanganing maghatod nin tubig, sanitation, asin hygiene services sa Gaza, sigun ki Prime Minister Keir Starmer.
Sigun sa Britain, iheheras an pondo sa paagi kan UNICEF, World Food Programme, asin Norwegian Refugee Council kun saen obheto kaining maabot an mga tawong nahahampang sa gutom, malnutrisyon, asin helang.
Dugang pa kan Britain, masagibo man ini nin tolong aldaw na summit oara sa rekonstruksiyon kan Gaza na papartisipaean kan mga representantes kan gobyerno, pribadong sektor, asin mga representantes kan development finance, kaibahan an European Bank for Reconstruction and Development Bank.
Sa presente kan taong pinansiyal, pigreport kan Britain na nakapagtao na ini nin 74 milyon pound na tabang pang-humanitarian sa Palestine, na opisyal kaining pigbisto komo sarong estado kan nakalihis na bulan.
