Suportado ni Senate President Pro Tempore Ping Lacson an paghali kan mga unprogrammed appropriations sa presenteng binibilog kan kongreso na propwestong 2026 national budget.
Obheto kan lakdang na ini na mas magin transparent asin responsable an paggamit nin pondo kan gobyerno.
An inisyatibang ini an ibinubusol ninda Senate President Vicente Sotto III asin Senate Committee on Finance Chairman Senador Sherwin Gatchalian.
Nagtutubod an duwang opisyal na sa paagi kan paglilimitar sa unprogrammed appropriations, mas magigin pakarhay an pagpaplano asin pagpapatupad kan mga proyekto kan gobyerno.
Sa nasambitan ng propwesto, an tutugutan na sana para sa unprogrammed appropriations iyo an mga foreign-assisted projects, asin dae na kabali digde an iba pang mga proyekto.
Pigsierto ni Lacson na iibahan kaini an Mataas na Kapulungan enkaso na pag iwalan ini kan Senado asin Kamara sa Bicameral Conference Committee (bicam).
Marurumdumang enot nang nakumpirmar na may mga flood control projects na ginamitan nin unprogrammed funds sa mga nakalihis na pambansang budget.
Mientrastanto, liwat na nangapudan si Lacson sa saiyang mga kapwa lehislador na magpahiling nin self-restraint o pagpugol sa pagbubugtak nin mga individual amendments sa propwestong budget.
