Pigkokonsederar na sarong dakulang onra ki Filipino-American asin Miami Heat Coach Erik Spoesltra na mapili komo bagong head coach kan NBA Basketball Team.
Pormal na pigkumpirmar kan USA Basketball board of directors an pagigin head coach ni Spoelstra para sa 2027 World Cup sa Qatar asin sa 2028 Olympics sa Los Angeles.
Riribayan kaini si Steve Kerr na nagtapos an pagmanehar makalihis na maabot kan USA Basketball Team an ikalimang magkakasunod na Olympics gold medals kan Paris Games 2024.
Sigun ki two-time NBA champion asin long-time Heat coach na sarong onra sa saiyang buhay na mapili komo head coach.
Orog pang kasabik-sabik huli ta sa US ikukundusir an Olympics na igwang tsansa nindang maidepensa an titulo.
Personal man na pinili ni USA Basketball men’s national team managing director Grant Hill si Spoelstra tanganing magin head coach.
Si Spoelstra nagin coaching staff ni Kerr puon pa kan 2023 World Cup na pigkundusir sa Pilipinas asin kan 2024 Olympics.
Mientrastanto ini naman soboot an magigin pantolong head coach kan USA kun saen an Olympics ikukundusir sa sadiring nasyon.
Enot si Bob Knight na nasungkit an gintong medalya sa Los Angeles kan 1984 asin si Lenny Wilkens na nanggana nin gold medals kan 1996 sa Atlanta.
