Aram baya nindo mga ka-bombo, pig-arestrar kan Brazilian police an nasa 35 katawo huli sa panloloko sa paagi kan pagpabakal nin pangadyion na gibo sa AI sa kantedad na $10 kada saro.
Sigun sa mga kapulisan an nasambitan ng ilegal na operasyon an nangyayari sa Nilópolis sa Baixada Fluminense region kan Brazil sa laog nin haros duwang taon antes na ini macrack down kan mga otoridad.
An mga miyembro kaini nagpapadalagan nin garo call center na iyong nagko-contact sa mga Katoliko sa paagi nin cellphone asin nagtatangro nin sarong AI-generated personalized prayers na kaya soboot magrahay nin helang asin magpa-uswag nin buhay.
Labing namangha an mga biktima kun kaya padagos man an saindang pagbayad para sa nasambitan ng pangadyion.
Susog sa report, an Artificial intelligence an igwang potensyal na magpamarhay sa buhay kan bilyon na tawo sa bilog na kinaban alagad kun ini an gagamiton sa sala makriar nin dakulang problema.
Sa ngunyan, an nasambitan ng 35 suspek an pigsunadan nin kasong fraud asin criminal conspiracy.
