Nagtaong abiso si Department of the Interior and Local Government (DILG) Secretary Jonvic Remulla na posibleng gikan sa mga informal settler families (ISF) an mga casualty enkaso magtama an makusog na linog o an The Big One sa nasyon.
Sa pagdangog kan budget kan DILG, pigpaliwanag ni Remulla an kinakatakutan huli ta an mga harong kan mga ISF pigtindog nin mayong municipal permits asin huli ta kadalaasan sa siring kaining istaran naggagamit sinda nin kerosene na pwede pa soboot magin kawsa kan kasulo.
Hagad kan sekretaryo sa Senado an pagpapakusog kan Building Code sa mga munisipalidad tanganing ma-assess an integridad asin tibay kan mga edificio asin iba pang istruktura.
Pigsaysay man ni DILG Usec. Marlo Iringan na igwa sindang pigpreparar na infrastructure audit sa National Capital Region (NCR), Calabarzon, Cavite, Laguna, Bulacan, asin Pampanga.
Dugang pa kaini igwa man nin protocol na pigsusunod an mga local government unit (LGU) para sa pagpreparar sa linog.
