Inihayag kan Metropolitan Manila Development Authority (MMDA) na ipapautob na ninda puon Nobyembre 17 hasta Disyembre 25 an suspensiyon sa gabos kan road excavation asin mga piggigibong tinampo sa Metro Manila tanganing mabawasan an trapiko sa maabot na holiday season.
ki MMDA Chairman Don Artes, tutugotan sana an mga road works na iini puon Disyembre 26 huli ta mas magian na an bulos kan trapiko makalihis an Pasko.
Igwang mga proyekto man na exempted siring kan mga darakulang infrastructure projects, repair works sa tulay, asin emergency repairs sa tubig asin kuryente.
Apwera digde, ipapautob man an pagbabawas sa oras kan operasyon kan mga mall asin limitadong oras kan delivery tanganing makatabang sa pagbulos kan trapiko.
Pinalawig man an operasyon kan mga bus sa EDSA puon Disyembre 20 hasta Enero 2, kaibahan na an mga provincial buses, tanganing masimbagan an dakol kan mga biyahero.
Basado sa report kan MMDA, nasa 2000 MMDA enforcers an nakatalaga para sa pagpapatrolya asin magpautob nin mga alituntunin sa tinampo sa bilog na holiday season.
