Atty. Ralph Sarmiento, dating dean kan University of St. La Salle law school, nagsabi na an desisyon kan Senate Impeachment Court na ilaglag an tulong impeachment articles bakong “mistrial.
Segun ki Sarmiento, an desisyon na ini bakong diskriminasyon laban sa pangalawang pangulo asin dai man tinanggalan an kampo kaini nin “full and fair opportunity” na magpaliwanag.
Dai man tinanggalan an respondent nin pagkakataon na kuwestyunon an mga testigo huli ta magkakaigwa pa nin oportunidad sa pagbalik kan “trial proper” sa Nobiyembre-9.
Sa sarong regular na hukuman sa Pilipinas, nangyayari an “mistrial” kun an mga legal na proseso kan korte dai nasunod nin tama, na nagresulta sa paglapas kan karapatan sa “due process”.
Ini nangyayari kun dai tinawan nin pagkakataon an depensa na magpresenta nin sadiring mga saksi asin ebidensya, o kun an prosekusyon dai tinawan nin supisyenteng oportunidad na patunayan an kaso.
Kaya, an ruling kan Impeachment Court sa mga nilaglag na artikulo dai man nanggad maituturing na “mistrial” sa konteksto kan kaso.
