Ipinag-sugo ni House Speaker Bojie Dy III an pagbilog liwat sa Statement of Assets, Liabilities and NetWorth (SALN) Review and Compliance Committee sa Kamara, alinsunod sa Republic Act No. 6713 o Code of Conduct and Ethical Standards for Public Officials and Employees.
Itinalaga ni Speaker Dy si Deputy Speaker asin South Cotabato 2nd District Representative Ferdinand L. Hernandez komo Chairperson kan Komite. An mga Vice Chairperson man an sinda Iloilo 3rd District Representative Lorenz R. Defensor at Marikina 2nd District Representative Romero Federico S. Quimbo.
Mantang an mga miyembro kan Komite an sinda Rep. Jose “Bong” J. Teves Jr. (TGP Party-list); Rep. Maria Cristina C. Angeles (Tarlac 2nd District), Rep. Wilfrido Mark M. Enverga (Quezon 1st District), Rep. Angelo M. Barba (Ilocos Norte 2nd District), Rep. Arlene J. Bag-ao (Dinagat Islands Lone District).
Basado sa memorandum na iniluwas ni Speaker Dy, tulos na ipapautob asin magpapadagos sa saindang tungkulin. An lakdang na ini an kasunod kan pahayag ni Speaker Dy na liwat rerepasuhon kan Kamara an mga alituntunin dapit sa pampublikong pagluluwas nin SALN kan mga miyembro, komo parte kan pagpapakusog kan transparency asin paninimbagan sa gobyerno.
Pigheras ni Dy na bukas an kadaklan sa mga lehislador sa ideya kan pagbubunyag kan saindang SALN sa publiko.
Kasunod kaini, iniluwas ni Speaker Dy an saiyang sadiring SALN sa midya kan aldaw man na ito, komo pag-utob sa saiyang naenot na promisa na magin bukas sa publiko.
