NAGA CITY – Nagserbeng motibasyon kan sarong opisyal kan gobierno an pagseserbi sa mga tawo orog na an pagtabang sa mga nangangaipuhan.
Sa entrevista kan Bombo Radyo Naga ki Jennilyn Celestial Acting Branch Manager, NFA-Camarines Sur pigsaysay kaini na 16 na taon na ining nagse- serbisyo sa gobierno asin pabalyo-balyo sana an destinasyon kan pigha-handle na mga probinsiya.
Sa enot pigheras kaining mayo soboot sa saiyang plano an magtrabaho sa gobierno partikularmente sa sektor kan agrikultura.
Alagad sa ibong kaini dae namamalayan nagigin motibasyon asin kaomahan na soboot an pagserbi asin pagtabang sa mga nangangaipuhan orog na sa paraoma asin iba pa.
Nararayo man sa saiyang pamilya huli sa pabalyo-balyong mga probinsiya alagad dae ini rason tanganing sukuan soboot an pagigin public servant huli ta nasa puso na ini kan puon pa sana.
Obheto kaya kan nasambitan na opisyal an makatao nin tabang sa abot kan saiyang makakaya orog na sa oras nin kalamidad.
Dugang pa kaini na importante an edukasyon huli ta ini an saiyang nagin corners tanganing magin matrayumpo pag-abot sa professional na pagtatrabaho.
Pagirumdom man kaini na ipagpadagos sana an edukasyon sa ibong kan mga sakit na naeeksperyensiyan ngunyan sa buhay.
