NAGA CITY – Dagsa na an mga naglilinig asin naglelettering sa mga puntod sa Sto. Niño Memorial Park
Sa entrevista kan Bombo Radyo Naga ki Chona Campit Paralinig asin lettering, pigsasay kaini na an nasambitan ng gibuhon an saindang seasonal na trabaho tuyong papaabot an undas.
Kabali sa mga serbisyong saindang pigtatangro iyo an lelettering o nagpipintura, naglilinig, siringman para-grass cutter.
Sinda an igwang coordination na kun saen may ID na patunay na sinda pigtugutan magtrabaho sa Sto. Niño Memorial Park.
Sa sarong aldaw na pagtatrabaho nagkakaigwa ini nin 20 na customer asin 150 to 200 an presyo kada lapida na saindang lilinigan o i-lelettering.
Nagpupuon an pagtrabaho kaini alas 7 nin pagkaaga hasta alas 6 nin pagkabanggi urualdaw hasta sa November 1.
Dugang pa kaini na piglalaoman nindang mas dakol pa an magigin customer sa November 1 kumparar kan mga nakalihis na aldaw.
Alagad dae ninda pwede soboot pakiaraman an mga puntod na igwang maintenance, huli ta igwa man ining paraataman.
Sa ngunyan pangapudan na sana ni Campit na kun sisay man an mawot magpalinig o lettering sa mga puntod mas marhay kun aamayan na huli ta sa masurunod na aldaw hasta sa petsa 1 dagsa ng maray asin masasakitan na makakua nin paralinig.
