Pighurot ni Presidente Ferdinand Marcos Jr. sa APEC Economic Leaders’ Meeting sa Gyeongju, South Korea na dae magigin tunay na inklusibo an pag-uswag kun mawawalat an mga kababaihan, kajovenan, asin sararadit na negosyo.
Sigun sa Presidente, sinda dapat an magin sentro kan mga plano asin programa para sa mas matatag asin mauswag na Asia-Pacific region.
Nagtutubod soboot ining dapat pakusogon kan mga nasyon an sistemang masimbag sa energy security, digital transformation, aasin modernong imprastruktura, alagad kasabay kaini, kaipuhang masierto na igwang puwang an gabos, orog na an mga sektor na amdalas na dae natatawan nin pantay na pagkakataon.
Binanggit kan Presidente na importanteng mamuhunan sa mga tawo, partikularmenten na sa kababaihan huli ta sinda an nagtataong-buhay asin katatagan sa ekonomiya.
Pigpunto man kaini na kun mapapakusog an partisipasyon kan mga kababaihan, pwedeng maglangkaw nin hasta $28 trilyon an pangkinabang Gross Domestic Product (GDP).
Kaipuhan man soboot tabangan an mga micro, small and medium enterprises (MSMEs) na maka-access sa puhunan, digital tools, asin pangkinabang merkado tanganing mas mapauswag an negosyo asin kabuhayan.
