Pigbabantayan kan lampas 300 na mga soldados an lubungan kan mga Bayani (LNMB) sa Fort Bonifacio, Taguig City.
Sigun sa Philippine Army, nagpakol sa 320 uniformed personnel kan PA an nagriribayan magbantay sa nasambitan ng himlayan.
Pigkarkulo kan PA an hasta 90,000 bisita na malaog sa LNMB sa kabilogan kan Undas break.
An LNMB an nagseserbing lubungan kan mga soldados, sekretaryo kan Department of National Defense, mga presidente kan nasyon, asin iba pang pigbibistong bayani kan Pilipinas.
An security force pigbibilog kan mga personnel gikan sa PA, Explosive Ordinance Disposal / Chemical, Biological, Radiological, asin Nuclear (EOD, CBRN) personnel, Philippine Air Force (PAF), Philippine Navy asin Philippine Marine Corps, Philippine National Police, Bureau of Fire Protection, asinTaguig City Traffic Management Office.
Mantinido pa man giraray an seguridad sa nasambitan ng himlayan para sa mga mabisita ngunyan, asin dagos na ibubwelta sa dating schedule sa masunod na semana.
