Aram baya nindo sarong babae gikan sa France an nakilhag kan saiyang maaraman na mabayad ini kan penalidad na nagpapakol sa $1,435 o P84,169.93 huli sa saiyang ikos na nagbabalyo sa property kan saiyang kataid na harong.
Susog sa report, nagsunad soboot nin reklamo an kataid na harong kan nasambitan ng babae huli sa pirmeng pagbisita kan ikos sa pagsasadiri kaining property.
Nakapalaog sa reklamo an manlaen-laen na perwisyo na pigwalat kan nasambitan ng ikos sa pagsasadiri kan complainant.
Katakod digde, an 70-anyos na cat owner pigpunto sa kataid kaining harong na kaipuhan patotoohan na an saiyang ikos an guilty kan trespassing orog na ta igwa man nagkapira pa na basay-basay na Ikos sa saindang komunidad.
Alagad dae ini pigdangog kan korte asin nagdesisyon na patawan nin penalidad an babae na nagkakantedad nin nasa $1,400 .
Mientrastanto, nagin sentro man kan urulay an nagin desisyon kan korte orog na ta sigun sa animal rights groups an mga ikos karaniwan na talagang nag-e-explore sa kapalibutan na dae man mapupugulan.
