Nagin puspusan na an ensayo kan Philippine women’s national futsal team o bistado komo Filipina5.
Magpuon Oktubre 29 hasta Nobyembre 11 masanay an koponan sa Barcelona asin Madrid, Spain para sa matinding ensayo.
Ini na an huring training kan koponan antes an pag-host ninda kan 2025 FIFA Futsal Women’s World Cup (FFWWC) na ikukundusir sa Pasig City sa Nobyembre 21.
Sigun ki Philippine Football Federation President John Anthony Gutierrez na nagkaigwa nin mga friendly games an koponan.
Dugang pa kaini na sarong importante an nasambitan ng ensayo tangani maipahiling an saindang tibay sa futsal komo host country.
Primerong makakahampang kan Pilipinas an Poland sa Nobyembre 21 mantang sa Nobyembre 24 makakahampang man ninda an Morocco na susundan man kan Argentina sa Nobyembre 27.
