Makundusir an Iglesia ni Cristo (INC) nin tolong aldaw na rally sa Nobyembre 16 hasta 18 sa Rizal Park sa Manila asin sa People Power Monument sa Quezon City na may obhetong ibusol an transparency asin accountability sa gobierno.
Susog sa report, inaprubahan kan National Parks Development Committee an request kan INC kan Oktubre 30.
Katakod kaini, matao man nin ”perimeter support” an siyudad kan Manila para sa ikukundusir na rally kaibahan an 14 na ambulansya asin mga personahe kan Department of Public Service tanganing bantayan an palibot asin mga vendor.
Sigun sa INC, piglalaoman nindang maatender an pigkakarkulong 300,000 na miyembro kada aldaw sa Quezon City.
Pigsabi pa kan kapilya na magigin matuninong asin marhay an pagtitipon asin nakikipag-koordinar man sinda sa mga city officials tanganing masierto na nagsusunod an rally sa gabos na regulasyon.
Mientrastanto matao man nin seguridad an Manila Police District sa palibot kan Rizal Park.
