Mahigot na pigbabantayan kan Office of the Civil Defense (OCD) an papaabuton na bagyo, na pigkakarkulong makusog komo Super Typhoon.
Sigun ki OCD Deputy Administrator ASec. Rafaelito Alejandro IV, mahewas an rainband o sirkulasyon kan bagyo na makakaapektar sa bilog na Luzon, asin mapalubog sa mga bahaon na lugar.
Piglalaomang, tutumbukon kaini an Aurora hasta Tuguegarao, sa Cagayan Area.Kaya kaipuhan soboot padagos na mabantayan ini tanganing mapatanidan an mga lokal na gobyerno na delikado sa baha orog na sa may Southern asin Northern Luzon.
Katakod kaini, nagpaluwas na sinda nin warning, mga kasuguan para sa pagpepreparar sa gabos kan mga lokal na gobyernong posibleng tamaan kan bagyo.
Piglalaomang kan state weather bureau na malaog sa Philippine Area of Responsibility an tropical storm na igwang international name na Fung-Womg Biyernes nin banggi o mag uumagahon nin Sabado.
Piglalaoman pa na makusog ini komo typhoon sa aldaw nin Biyernes asin maabot an super typhoon category sa aldaw nin Sabado.
Igwang halangkaw na tiyansang mag-landfall ini sa may Northern o Central Luzon sa aldaw nin Lunes.
