Sinuspender kan United Kingdom an pagheras nin intelligence sa US dapit sa nangyayari na drug trafficking vessels sa Caribbean.
Ini huli ta nagtutubod sinda na an ginigibong pag-atake kan US iligal.
An desisyon na ini kan UK boot sabihon dakulang sampal sa saindang kaalyado asin intelligence sharing partner makalihis na dakol an nagkwekwestyon sa legalidad kan kampanya kan military sa Latin America.
Sa mga nakalihis na taon kontrolado kan UK an nagkapirang teritoryo sa Caribbean kun saen an saindang mga military bases intelligences assets nakakatabang sa US tanganing maaraman an mga bangka na nagdadara nin droga.
An mga impormasyon tolos na ipinadara sa Joint Interagency Task Force South na nakahimpil sa Florida.
Marurumduman na inapod kan United Nations na an ginigibong airstrikes kan US sa mga bangka iligal asin bakong makatarungan.
