Aram baya nindo mga ka-bombo, pig-anunsyar kan zoo sa Minnesota an pagkamundag kan sarong cotton-top tamarin, sarong endangered species kan ukay na gikan sa tropical forests kan Colombia.
Susog sa report, pigheras kan Lake Superior Zoo sa saindang social media na an nasambitan ng hayop an ipinangki kan nakalihis pang Sept. 30 kun saen an saiyang mga magurang an binistong si Mira asin Dino.
Huli digde, an mag-agom na ukay an igwa nang apat na aki kabali na sinda Echo, Tango asin Foxtrot.
Sigun ki Anna Schopf, sarong animal care specialist sa nasambitan ng zoo, an mga staff kan saindang pasilidad tinatawan nin panahon an bagong mundag na hayop na makipag-bonding sa saiyang pamilya tanganing magin pusog an saindang pag-iribahan.
Pigheras man kan opisyal na naka-scheduled an naunambitang pamilya kan Tamarin para sa public viewing tuyong alas dos nin pagkahapon uru-aldaw sa Primate Conservation Center.
Piglimitaran soboot an oras kan saindang public viewing tanganing magkaigwa nin bastanteng pahingalo an bagong mundag na cotton-top tamarin.
