Dae nagpatanyog si Presidente Ferdinand Marcos Jr. makalihis an magagabat na akusasyon kan saiyang tugang na si Sen. Imee Marcos.
Imbews kaya na magsimbag, dagos an Presidente sa trabaho asin pigtagama an bilog na aldaw sa pag-inspeksiyon kan danyos na winalat kan nakalihis na bagyo sa Bicol Region.
Enot na pig-inspeksyon kan Presidente an niraot na kaharongan sa Garchitorena, Camarines Sur.
Sisiripon kaini an naraot na classroom sa Garchitorena Central School asin madestrebwer nin Starlink units sa komunidad.
Makalihis ini mapasiring man an Presidente sa Tiwi, Albay tanganing hilingon an kondisyon kan Cararayan–Naga Elementary School, asin masagibo nin situation briefing tanganing maaraman an hewas kan danyos na winalat kan bagyo.
Marurumduman, pig-akusaran ni Sen. Imee si PBBM asin FL Liza Marcos na naggagamit nin ilegal na droga sa anti-corruption rally kan Iglesia ni Cristo kagabi.
