Pigsierto ni Senate President Tito Sotto III na malinig sa anuman na klase kan korapsyon an aaprubahang 2026 National Budget kan Senado.
Sigun ki Sotto, preparado sinsang depensaran enkaso igwang magpurbar na magsingit kan mga kun ano-ano sa pambansang pondo orog na sa Bicameral Conference Committee.
Pigsierto kan Senate President na para mabantayan na marhay an proseso kan pambansang pondo ini ila-livestreaming tanganing masubaybayan kan publiko kun saen an ilalaag na amyenda madadangog asin kun siisay an proponent o nagpanukala kaini.
Pigsaysay man ni Sotto na ini igwa man isusumiter na amendment asin ini an an pagtatao nin alokasyon para sa pagpapagibo kan atop kan Laguna State University na pigkakarkulong mapakol sa P6 million.
Ilalaog kaini an amyenda sa Department of Public Works and Highways (DPWH) o sa Commission on Higher Education (CHED) alagad kaipuhan na igwang programa asin may resolusyon antes ilaog an nasambitan ng individual amendments.
Pinag-aadalan man na gibuhon aga asin hapon an debate sa budget makalihis na maurong an schedule hulin sa suspensyon sa laog kawsa kan bagyo asin an pagtatao nin dalan sa pagtalikod sa kinaban ni dating Senate President Juan Ponce Enrile
