Nasa marahay ma kundisyon si naturalized player Justin Brownlee makalihis an primerong aldaw kan training camp kan Gilas Pilipinas para sa FIBA World Cup Asian Qualifiers.
Napabareta na nagkaigwa si Brownlee nin pneumonia pirang aldaw antes ini magbalik sa Pilipinas.
Alagad dae ini nahilingan nin pagluya huli ta nasa marahay na kundisyon ini kan magpahiling ini sa ensayo kan Gilas Pilipinas sa Blue Eagle Gym sa Ateneo de Manila University.
Sigun ki Gilas Pilipinas head coach Tim Cone, nagpapakundisyon pa si Brownlee na huring nanutaran sa aksyon kan bulan nin Agosto sa FIBA Asia Cup 2025 na pigkundusir sa Jeddah, Saudi Arabia.
Magayon na indikasyon ini huli ta igwa nin posibilidad na dae makapagkawat an nagkapirang players kan Gilas Pilipinas pool huli sa problema sa visa kabali na digde si Carl Tamayo.
Mayo si Tamayo kan Talk ’N Text na nagsapo nin hamstring injury rason tangani dae na ini maka iba pa sa team.
Kaya man nagigin dakula an papel ni Brownlee sa pagsabak kan Gilas first window kan qualifiers.
Nagsalang na man sa ensayo sinda Juan Gomez De Liaño kan Converge asin dating University of the Philippines standout Quentin Millora-Brown na pigdugang sa Gilas pool.
Si Millora-Brown an lider sa nawalat na puwesto ni Kai Sotto na presente pang nagpaparahay huli ta nagsairarom ini sa operasyon huli sa ACL injury.
Mapadagos an ensayo kan Gilas Pilipinas tangani masiertong nasa perpektong kundisyon ini antes na magtulak sa Guam.
Mawot ni Cone na makabilog nin solidong chemistry an tropa orog na ta may nagkapirang players an nagdugang sa lineup siring ninda Gomez de Liaño asin man Millora-Brown.
Nakatalaang maghali an Gilas Pilipinas sa Nobyembre 25 pasiring Guam para sa away game kaini sa N
