Naghagad nin executive session an duwang lehislador na naimbitaran sa pagdangog kan Independent Commision for Infrastructure (ICI).
An mga resource person na ini sinda Quezon 3rd District Rep. Reynante Arrogancia asun Occidental Mindoro Lone District Rep. Odie Tarriela.
Kan haputon an ICI kun tano haros executive session an nangyayari ngunyan sa hearing orog na may guidelines nang pigluwas an komisyon, pigsaysay ni ICI Executive Director Atty. Brian Keith Hosaka na nakadepende sa mga resource person an desisyon orog na ta igwang sensitibong impormasyon na posibleng makaapektar sa buhay asin makaapektar sa imbestigasyon kan ibang ahensya.
Pigluwas ni Hosaka an pahayag makalihis na kwestyunon kan media an komisyon kun ano an gigibuhon kun an gabos kan resource person mahagad kan closed-door meeting.
Dae pa piglinaw kan komisyon kun ano-anong partikular na pagkahadit an pigsaysay kasuudma ni Rep. Atayde asin Rep. Asistio.
Mientrastanto, hahaputon man kan ICI si Rep. Dean Asistio kun matugot ining iluwas sa publiko an saiyang affidavit enkaso hagadon kan media.
