Nangapodan si House Speaker Faustino “Bojie” Dy III nin pagkasararo sa mga lehislador asin kawani kan Kamara tanganing maibweltada an tiwala kan publiko asin maibusol an haloy nang pighahalat na mga reporma para sa mga Pilipino.
Ginibo ni speaker Dy an pangapodan sa flag-raising ceremony sa Batasan Complex ngunyan na aldaw, Disyembre 2, 2025.
Sa saiyang patara-tara, aminado si Dy na nagtitinir an mga huma sa Mababang Kapulungan, alagad pighurot kaining malalampasan an mga kun magkakasararo an bilog na institusyon.
Pig-enkaminar man kaini an gabos na igilid an pansadiring interes asin ituon an pagseserbi sa mamamayan, orog na sa tahaw kan ribok sa pulitika asin salang impormasyon.
Naunambitan man kan Speaker na an pagkakasararo am susi sa pagpapautob kan mga makabuluhang reporma, asin nangangapodan ining magtinir na matatag asin magin liwanag sa pag-abot kan Kapaskuhan.
Pig-omaw man kaini an mga kawani komo “harigi asin kusog” kan Kamara, asin pigsierto an pagpapadagos kan mga repormang matao sa sainda nin dignidad asin halangkaw na lebel kan serbisyo.
Sa pagtatapos, pig-enkaminar ni Dy an Kapulungan sa sabaton an 2026 nin may paglaom, sigla, asin panibagong dedikasyon sa saindang tungkulin.
