Padagos na pinag-aadalan an nairehistro kan World Health Organization (WHO) na ika-71 kumpirmadong kaso kan influenza A(H5) sa tao magpuon pa kan taong 2024, asin ini an primerong kaso sa Estados Unidos magpuon Pebrero 2025.
Kinumpirmar kan U.S. Centers for Disease Control and Prevention (CDC) kan bulan nin Nobyembre na an virus iyo an influenza A(H5N5), an 1st reported case sa bilog na kinaban na kawsa kan nasambitan ng strain.
Padagos an imbestigasyon kan mga otoridad sa salud sa Estados Unidos tangani na matukoy an pinagpuonan asin man lawak kan impeksiyon.
Sa isinagibong contact tracing, mayong natukoy na dugang kaso asin mayo man nin ebidensya kan human-to-human transmission.
Padagos man na nangangapudan an WHO para sa masusing global surveillance huli sa marikas na pag-evolve kan influenza viruses na pwedeng makaapektar sa salud kan tao.
Sa presenteng datos, hababa an public health risk, alagad pigkokonsiderar na low to moderate an peligro para sa mga taong may halangkaw na exposure sa nasambitan ng virus.
