Pigbatikos ni US President Donald Trump an European leaders huli sa pagigin maluya.
Pigsaysay kan Presidente na an nalalapa na soboot European contries an bigong makontrol an migration asin magibo nin mga lakdang tanganing matapos an giyera sa pag-ultanan kan Ukraine asin Russia.
Pig-akusaran man sinda kan US President na pigtutugutan an Ukraine na maglaban hasta sa ini an magbagsak.
An nasambitan ng pahayag ni Trump an makalihis an pirang aldaw na pakikipag-ulay ki Ukraine President Volodymyr Zelensky kun saen plano ninda na baguhon nin kadikit an ceasefire deal na pigbubusol kan US.
Pigpipirit kaya ni Trump na magtugot na ini sa ceasefire kun saen parte digde an pagtatao kaini nin teritoryo sa Russia puon kan puonan an pag-atake kan Pebrero 2022.
Nagmatagas man si Zelensky asin dae matugot na basta sana itao an teritoryo kaya mawot ninda na baguhon an ceasefire.
