Binawian nin buhay sa Airstrike kan US sa mga bangka kan Venezuela nagpakol na sa 87

Nagpakol na sa 87 katawo an binawian nin buhay sa pinahigot na operasyon kan US sa Carribbean.

Puon kan piglunsar an “Operation Southern Spear” kan Setyembre nasa 23 mga lunadang pandagat na nagdadara kan droga sa Carribean asin eastern Pacific an pinalubog kan airstrike kan US.

Kadaklan sa 23 na magkakasuhay na airstrikes kan US an pigsagibo sa kadagatang parte kan Venezuela asin Colombia.

Pigkokonsederar kan US na an mga lunad kan mga pinalubog nindang bangka an “narco-terrorists”.

Marurumduman nagbugtak na an US kan saindang warship sa lugar tanganing dagusang ng mabantayan an pagkuriyat kan iligal na droga sa lugar.