Aram baya nindo mga ka-bombo, maabot sa haros 2,400 golden retrievers an nagtiripon sa Buenos Aires kun saen pig-apod kan mga organizers asin local media an pangyayari komo pinakadakulang paghirilingan kan nasambitan ng breed kan Ido.
Nagpakol kaya sa kabilugang 2,397 golden retrievers an nagtiripon sa Bosques de Palermo, na nagin rason tanganing magin kakaiba an iconic parks kan Argentina.
Nalampasan kaini an record na nairehistro kan Vancouver, British Columbia, Canada na nag-abot sana sa 1,685 na Ido.
Katakod kaini, maski pending pa an certification gikan sa Guinness World Records, pigsaladawan man kan mga organizers an pagtiripon na ini komo milestone para sa Argentina’s dog-loving community.
Mientrastanto, an nasambitan ng event an pig-organisar sa paagi kan social media kun saen nangapudan sa mga may-ataman na golden retriever sa nasyon na purbaran na idara sa Buenos Aires an saindang mga ataman.
Kadakol na mga partisipantes an nag-abot gikan sa manlaen-laen na probinsiya tanganing maasegurar na makakabali an saindang mga Ido.
Sa ngunyan, nagpasalamat na sana an organizer kan event sa mga nakisumaro sa saindang pagpurbar na pagsungkit kan World Record.
