Binago ni Davao City 1st District Rep. Paolo Duterte an saiyang kahagadan na travel authority gikan sa orihinal na 17 nasyong bibisitahon pasiring na sana sa Netherlands asin Australia, sigun sa House of Representatives.
Sigun ki Office of the Secretary General Executive Director Jose Marmoi Salonga, enot na naghagad si Duterte nin travel clearance puon Disyembre 15, 2025 hasta Pebrero 20, 2026, alagad pighagad kan Kamara an dugang na detalyes asin rebisyon huli ta mayama ini sa mga session days kan 20th Congress na mabukas sa Enero 26, 2026.
Sa isinumiter na revise request kan Kongresista, sinaysay ni Salonga na an biyahe ni Duterte an puon Enero 3 hasta Enero 30, 2026 sana, tanganing bisitahon an saiyang ama na si dating Presidente Rodrigo Duterte na nakakulong sa The Hague, asin an saiyang aki na nagkaklase sa Australia.
Dugang pa kaini, personal na pondo soboot an gagamiton sa biyahe.
Sa presente, pinag-aadalan pa kan Kamara an binagong travel request alinsunod sa mga panundonan asin iskedyul kan sesyon.
