Hinamon kan Department of the Interior and Local Government (DILG) si dating presidential spokesman Harry Roque na ipahiling an dokumentong nagpapatunay kan pag-aprobar kan saiyang asylum request sa Austria.
Pig-insistir ni Remulla na rejected an asylum request ni Roque, alagad inako niya na mayo pa nin pormal na impormasyon hale sa Austrian authorities na nagkokompirmar kan sinasabing denial.
Sinabi ni Remulla na susog ki Roque, mayo man nin pormal na denial o approval sa saiyang asylum request kaya nagpapabilin ini sa “Gray zone.”
Hinamon niya si Roque na magpahiling nin dokumentong nagpapatunay na bakong sakop kan posibleng red notice.
Susog ki Remulla, an human trafficking sarong internationally recognized crime asin iginigiit niya na bakong dapat ibilang na political persecution an mga kasong kinakahampang ni Roque.
Mientras tanto, kinompirmar ni Roque sa saiyang post online na tinanggihan kan Dutch immigration and naturalisation service an saiyang enot na asylum petition asin pati an saiyang apela sa Netherlands.
Na-refer an saiyang kaso sa Austria huli an Austrian authorities an nag-isyu kan saiyang Schengen Visa.
