Dae pa soboot nagbabalik sa Pilipinas si dating Department of Public Works and Highways (DPWH) Secretary Manuel Bonoan gikan sa Estados Unidos.
Ini an sa ibong kan naenot na deklarasyon kan dating sekretaryo na mabalik ini sa nasyon pag abot kan December 17, 2025. Primerong nagpasiirng sa US si Bonoan tangani ibahan an saiyang agom para sa sarong medical procedure.
Sigun ki Bureau of Immigration (BI) Spokesperson Dana Sandoval, dae pa nag aagi si Bonoan sa ano man na immigration counter sa mga palupadan asin pantalan kan nasyon.
Sa presente, mayong kasong kinakahampang si Bonoan alagad saro ini sa mga inirekomenda kan Independent Commission for Infrastructure na masunadan nin kaso huli sa soboot nabuyagyag na korapsyon sa kadakol na mga flood control project sa nasyon, orog na kan ini pa an sekretaryo kan DPWH.
Sa presente, dae pa malinaw kun presente na ining pabalik sa Pilipinas, orog na ta mayo pa man idineklarang return flight an nasambitan ng dating sekretaryo.
Marurumduman kan Nobyembre-11 kan maghali sa Pilipinas si Bonoan pasiring US via Taiwan. Ini an pirang bulan sana magpuon kan magbutas ini sa pwesto komo sekretaryo kan public works.
