Nagpaluwas nin orden an Makati Regional Trial Court para sa pag-aresto ki Representative Leandro Leviste huli sa sinasabing pagbalgar kaini sa probisyon kan Public Service Act.
Segun ki National Bureau of Investigation (NBI) Director Melvin Matibag, marikas na makikipag-koordinar an mga awtoridad sa Bureau of Immigration (BI) tanganing maaraman an opisyal na kamugtakan asin kun saen yaon an kinatawan para sa pagpapatupad kan orden.
Huring narekord na yaon si Leviste sa nasyon kan Pransya kaiba an saiyang inang si Senador Loren Legarda, na sa presente nagpapabulong sa nasabing lugar.
Piglalaoman na magpapaluwas nin opisyal na pahayag an kampo kan mambabatas manungod sa legal na lakdang na saindang gigibuhon tanganing atubangon an nasabing orden kan korte.
Padagos man na binabantayan kan NBI an paglaog asin pagluwas sa nasyon kan solon tanganing seguraduhon an matanos na pagsirbi kan warrant de areste sa oras na magbalik ini sa Pilipinas.
