Pwedeng i-subpoena kan Senate Blue Ribbon Committee an mga dokumentong nasamsam kan National Bureau of Investigation (NBI) gikan sa condominium units ni dating Cong. Zaldy Co sa BGC sa Taguig.
Sigun ki Senate President pro-tempore Ping Lacson, pupwede nindang hagadon sa NBI an mga dokumento tanganing makumpleto an saindang records dapit sa katiwalian sa flood control projects kun saen naduduon an dating kongresista.
Posible soboot may mga dokumento si Co na pupwedeng makatabang sa Senado tanganing makagibo nin bagong ley gikan sa piggigibong imbestigasyon.
Sa Enero kan masunod na taon liwat mapaapod si Lacson nin pagdangog dapit sa maanomalyang flood control projects.
Pigsaysay pa kan lehislador na posibleng ini na an magigin huring pagdangog huli ta igwang mga kaso nang nakasunad sa korte katakod sa nasambitan ng katiwalian.
