Kinumpirma ni Senador Robin Padilla na nakaresibe siya nin subpoena hale sa Department of Justice (DOJ).
Ini may koneksyon sa preliminary investigation manungod sa saiyang pig-aakusaran na pagtabang ki Senador Ronald “Bato” Dela Rosa na makadulag sa Senado kan Mayo.
Pinapapresentar kan DOJ si Padilla asin kaipuhan magsumite nin counter-affidavit sa Setyembre 25 asin Oktubre 9 huli sa reklamo nin obstruction of justice laban saiya.
Naromdoman na huring nahiling si Dela Rosa kan mag-atender sa session kan Senado kan Mayo 13 alagad nagdulag ini kan Mayo 14 matapos an pagkaputukan sa laog kan Senado.
Inako ni Padilla na nakisabay si Dela Rosa sa saiya pagluwas sa Senado.
Igwa nin warrant of arrest si Dela Rosa hale sa International Criminal Court huli sa saiyang papel bilang dating hepe kan Philippine National Police (PNP) kan ipatupad an war on drugs ni dating Presidente Rodrigo Duterte.
