NAGA CITY – Mas namamatean kan paratienda nin prutas sa NCPM an mas dakol na benta kan nakalihis na taon kumparar ngunyan.
Sigun ki Melanie Yales Paratienda nin Prutas medyo maluya an bentahan kan mga prutas kun ikikumparar kan nakalihis na taon sa kaparehas na peryodo.Huli ta ngunyan na taon haros gabos kan mga prutas igwang paglangkaw sa mga presyuhan.
Dugang pa ni Yales na kun papaaboton na an hapon kulang o mayo na nin mga parabakal kun kaya maikokonsederar ngunyan na matumal pa an bentahan.
Alagad yaon man giraray an paglaom na sa masurunod na aldaw madakol na an mga parabakal.
Sa ngunyan patanid man kaini na sa mga parabakal na maglikay sa mga paratindang nagbebenta nin mga out of stock na prutas, magin mapanuri asin pilion an kalidad na produkto.
