Aram baya nindo mga ka-bombo, nagkasararo an mga residente sa sarong lugar sa Colorado na tugutan an pagmantinir kan inflatable Santa Claus na igwang langkaw na nag-aabot sa 28 feet tall.
Susog sa report, pigbugtak ni Dora Flores asin kan saiyang pamilya an inflatable Santa na mas halangkaw pa sa saindang harong.
Alagad makalihis sana an pirang aldaw, nakareseber an mga ini nin surat gikan sa Fromm and Company na nagsasabi na an dekorasyon an nagbabayolar sa homeowner’s association policy.
Sigun pa ki Flores, dae naman nakabugtak sa surat an partikular na height regulations alagad igwang patanid na matao nin penalidad enkaso dae halion an nasambitan ng dekorasyon.
Katakod kaini, an mga kapitbahay kan pamilya Flores an nakisumaro tanganing i-protesta an nakabugtak sa surat.
Kadakol naman an nagbugtak kan saindang mga inflatable decorations komo pagtutol sa ginibo kan nasambitan ng kompanya. Sa ngunyan, matrayumpo man na naidepensar ni Flores kaibahan kan mga residente sa lugar an saindang derechos na magbugtak nin Christmas decorations.
