Aram baya nindo mga ka-bombo, sarong pag-aadal gikan sa University of East Anglia an nagpahiling na an mga polar bear an nag-aagi sa marekas na pagbabago sa saindang genes, na pigtutubudang kawsa kan pagbabago nin klima.
Ini an kaenot-enoting pagkakataon na nahiling kan mga siyentipiko an sarong mammal, siring kan polar bear, na pig-aangkop an saindang DNA sa aktwal na panahon komo kasimbagan sa environmental stress, partikularmente na an paglangkaw kan temperatura.
Sigun ki Alice Godden, lead researcher kan pag-aadal an mga genetic na pagbabago an sarong desperadong mekanismo para sa kasalbaduhan kan mga polar bear kontra sa natutunaw na yelo sa Arctic Ocean.
Halimbawa digde sa timog-sirangang parte kan Greenland kun saen napag-araman kan mga siyentipiko an pag-iiba kan saindang diet gikan kaya sa tradisyonal na seal-based, asin high-fat diet pasiring sa mga pigkakakan nindang pananom.
Pig-a-analyze man kan research team an genetic data kan mga oso gikan sa 17 asin napansin ninda an genetic divergence gikan sa mga polar bear sa norteng-sirangan kan Greenland.
Kumbinsido an mga siyentipiko na an prosesong ini an nagpuon kan 200 taon na an nakakalihis asin pig-uugnay sa mga epekto kan pagbabago nin klima.
Alagad maski igwang paglaom sa mga genetic adaptation kan mga polar bear, pigtawan duon ni Godden na dae ini bastante tanganing masierto an saindang panghaluyang kasalbaduhan.
Piglalaoman na mawawara an 2/3 kan populasyon kan mga polar bear antes an 2050, kaya pigpapagirumduman ni Godden an pangangaipuhan kan tolos na aksyon tanganing mabawasan an mga carbon emissions asin tabangan an conservation efforts para sa mga oso.
Basado kaya sa U.S. Fish and Wildlife Service igwang presenteng 26,000 na populasyon an mga oso sa bilog na kinaban kun saen napapabali na an mga ini sa listahan kan mga endangered species.
