NAGA CITY – Gadan an lima sa mga pinagtutubudang myembro kan New People’s Army sa sarong engkwentro laban sa tropa kan gobyerno sa banwaan kan Lagonoy probinsya nin Camarines Sur.
Sa entrevista kan Bombo Radyo Naga ki PCPT. Liza Jane Alteza-Spokesperson -CSPPO, sinaysay kaini na labing nakakamundo an siring na sitwasyon na kun saen igwang mga nagagadan.
Sigun pa ki Alteza, makalihis an nasambitan ng insidente, nakua an mga armas, bala asin granada sa pinangyarihan kan insidente. Paliwanag kan opisyal nangyari an bakbakan mantang nagsasagibo nin joint intelligence-driven strike operation an tauhan kan Philippine Army katabang an Camarines Sur Second Provincial Mobile Force Company.
Sigun ki Alteza, komo mga lakdang na ginigibo kan PNP siringman kan Philippine Army, padagos an mahigot na presensya o an police visibility sa lugar tangani na mamantinir an kasalbaduhan kan gabos sa nasambitan ng probinsya orog na sa banawaan kan Lagonoy.
An PNP asin Philippine Armry an nakapreparar man tangani na magreponde sa ano man na dae nilalaoman na mga pangyayari katabang an iba pang friendly forces siring na sana kan Philippine Coast Guard asin Philippine Navy.
Sa ngunyan, nakadeploy man an mga kapulisan sa manlaen-laen na mga simbahan sa probinsya tangani na matutukan an katrangkiluhan asin kasalbaduhan kan gabos ngunyan na Kapaskuhan.
