Masagibo nin patrol operations sa mga dalampasigan asin mga pantalan an Philippine Coast Guard (PCG) sa kabilogan kan Pasko asin Bagong Taon.
Sigun ki PCG Commandant, Admiral Ronnie Gil L Gavan, matinir na naka-alerto an bilog na kabuhan tanganing siertuhong salbado an biyahe kan mapuruli asin mahabol sa mga probinsiya tanganing makaibahan an saindang mga mahal sa buhay.
Padagos soboot nakadeploy an mga coast guard personnel sa manlaen-laen na parte kan nasyon ngunyan na aldaw nin Pasko hasta sa Bagong Taon tanganing subaybayan an mga mabiyae, gamit an mga lunadang pandagat.
Sigun pa ki Galvan, bastante an numero kan mga personnel na nakadeploy tanganing mag-alalay sa mga biyahero sa kasagsagan kan holiday.
Pighagad man ni Admiral Gavan an pakikipagtabangan kan publiko asin an padagos na pagsuporta sa PCG, asin sa mga programa kan nasambitan ng opisina.
